നാടന്‍ പാട്ട് (രചന.കെ.സി.കരീം കില്‍ത്താനി)

ചബരിക്കടവൈ ശൂവ്വമുരിക്കും ബീഫാത്തുമ്മാ
താര് കുടഞ്ഞത് മതി കണ്ടം കരളേ ഫാത്തുമ്മാ
മഞ്ഞാത്തോട്ടത്തത്തി പറുക്കാന്‍ ബാ ഫാത്തുമ്മാ
മുന്തിരിഫോലെ ഫൊളുത്തിന ഫാലാലം ഫാത്തുമ്മാ

കറിയും ചോറും കണ്ടിട്ട്
ദിവസം നാല് കഴിഞ്ഞില്ലേ
കാരാണീ വരവില്ലാതെ
അരികിട്ടാതെ വലഞ്ഞില്ലേ
നാട്ട് നടപ്പാള്‍ വന്നിട്ട്
കയറ് മുഖത്തിലെറിഞ്ഞില്ലേ

കഞ്ഞിക്കരിയില്ലാഞ്ഞിട്ടന്ന്
ബാട്ടച്ചക്ക കുളിച്ചില്ലേ (ചബരിക്കട..)

കുരുമ്മേം തേങ്ങേം തിന്നിടാം
മുരുങ്ങ ഫുളുക്കിക്കുളച്ചീടാം
തിര്ണിയും കറ്റ പറിച്ചീടാം
അത്തിയ തണ്ണി കുടിച്ചീടാം
ചേമ്പും ചക്കരയും തിമ്മാം
ചമ്പകപ്പൂവ് പറിച്ചീടാം

കട്ടികണക്കേ ഫൊള്ത്ത
കുറുമ്മട്ടക്കാ തിമ്മാം ഫാത്തുമ്മാ. (ചബരിക്കട...)

കട്ടക്കാരന്‍ ബീരാനും
മീരാകൊണ്ട് വരുന്നുണ്ട്
ബട്കം കടലില്‍ പോയിട്ട്
ചാടിയ രണ്ട് ശുറാവുണ്ട്
എരിപൊരികൊളളും പൈതങ്ങള്‍
കുടിയില്‍ കരഞ്ഞ് കിടപ്പുണ്ട്

കരുവേം കട്ടിത്തണ്ണിയുമൂട്ടി
പട്ടിണി മാറ്റാം ഫാത്തുമ്മാ. (ചബരിക്കട...)

അറബിക്കടലിലെ കഥാഗാനങ്ങള്‍







കില്‍ത്താന്‍ (11.12) ചമയം ഹാജാഹുസൈന്‍ രചിച്ച അരബിക്കടലിലെ കഥാഗാനങ്ങള്‍  എന്ന പുസ്തകത്തിന്റെ പ്രകാശന കര്‍മ്മം അഡ്വ.ബി.അമാനുള്ളാ,  റിട്ട.ഡിസ്റ്.ജഡ്ജ് നിര്‍വ്വഹിച്ചു. ജീലാനി ബീച്ചില്‍ ലക്ഷദ്വീപ്  സാഹിത്യപ്രവര്‍ത്തകസംഘ0 സംഘടിപ്പിച്ച പരിപാടിയില്‍ നിരവധിപേര്‍ പങ്കെടുത്തു.  സംഘം സെക്രട്ടറി ഇസ്മത്ത് ഹുസൈന്‍ സ്വാഗതം പറഞ്ഞു. തുടര്‍ന്ന് സിറാജ്കോയ,  പ്രസിഡന്റ് അധ്യക്ഷപ്രസംഗം നടത്തി. പുസ്തകത്തിന്റെ ആദ്യകോപ്പി  അഡ്വ.ബി.അമാനുള്ളാ ചെയര്‍പേഴ്സണ്‍ സാജിദാ ബീഗന് നല്‍കിക്കൊണ്ട്  നിര്‍വ്വഹിച്ചു. അഷ്റഫ് മാസ്റര്‍, സെയ്ദ് മുഹമ്മദ്കോയ തുടങ്ങിയവര്‍  പുസ്തകാവലോകനം നടത്തി. തുടര്‍ന്ന് കെ.സി.കരിം കില്‍ത്താനിയുടെ നാടന്‍  പാട്ടും അരങ്ങേറി. ചമയം ഹാജാഹുസൈന്റെ മറുപടി പ്രസംഗത്തിനുശേഷം എ.സി.ഉമര്‍  നന്ദിയും പറഞ്ഞു.
അറബിക്കടലിലെ ഓളപ്പരപ്പിനുമീതെ കനവുകളുടെ കൂടാരം തീര്‍ത്ത് പഴമക്കാര്‍  പാടിപ്പതിഞ്ഞ നാടന്‍ പാട്ടുകളാണ് ഇതില്‍ ഉള്‍പ്പെടുത്തിയിരിക്കുന്നത്.  Media Analysis & Rea-search Center Koyilandi യാണ് പബ്ളിഷേയ്സ്.  മുഖവില.60 രൂപ.